]هاحكي حكاية
انا مالبداية حتي النهاية
واكتب قصيدة بقصة جديدة
ممكن تكون عن السعادة
وممكن تكون عن الهموم
يمكن بفرحة ويمكن بدمعة
في ليالي غربة اسية وجرحة
في ليلة فرحة بالفرح ناقصة
وفي ليلة واحدة ميت الف دمعة
قصة حزينة وايام طويلة
في دنيا اسية وعيشة قاسية
وناس بتنسي اللي عليها
ولو ليها حق مايروح عليها
وناس في حرقة من اللي فيها
من ظلم دنيا وحكم غربة وهجر اهل
زلة ومهانة طالبين اعانة
محصور في خانة زي القتيل
طالبين ياسادة حق الاعادة
ولو عدتوا تاني بلاش حسابي
سبوني مرمي وسط ترابي
دي ارض اولي بتعبي وكفاحي
كفاية اني في وسط اهلي
لو يوم تعبت بيكونا جمبي
ولو قولت اه
تلاقي السلامة وصلت لقبي
من امي واختي سلامتك ياقلبي
وابويا لدمعة جواه يخبي
واخويا في ثانية ياخد بيدي
حتي جيراني وكل اهلي
دايما معايا فـ جرحي وفرحي
الغربة دابحة وايامها ماسخة
وانا جاتلي قرحة باقول يافرحة
امتي هتيجي وتدقي بابي
وجاتلي لحظة وفثانية واحدة قلبت عليا
قالت كفاية لاتاخد عليها
وتبقي داهية وتسوقلي فيها
وتطمع زيادة بفرحة تانية
ويضيع حسابك منها في الدنيا
افرح في بلدك فـ وسط اهلك
عادي براحتك لكن في غربة لاياعم
ازاي هتفرح بعيد عن حبابك
دا يبقي قلبك ميت بجد
وانا كنت فاكر الفرحة جاية
اتاري الحكاية جاية بتبكي
وتزيد في همي تعايرني بيه
ياست فرحة حرام كفاية
انا حملي زايد
وكنت فاكرك انتي المساند
قالتلي يابني العمر فاني
لافرح دايم ولا حزن دايم
ارجع لاهلك تلقي المساند
وفـ حضن امك افرح وعايد
وللاحبة اكتب قصايد
وقول بلاش تدوقوا كاسي
انا قولت امرك امرك ياستي
وناديت بصرخة
ياكل حبايبي وكل ناسي
ياريت بلاش تدوقوا كاسي
انا سيبت ناسي وطلع فـ راسي
وقلت اسافر وندمت اني
سيبت بلدي وتركت اهلي
ومن كتر همي
انا سبت فرحي ورضيت بجرحي
ومن وقت سفري وانا باخبي
واقول سعيد والحزن في قلبي
خايف في يوم تتعذب امي
لو قولت اني في الغربة ميت
نصيحة مني لكل حبايبي
بلاش معاندة الغربة جامدة عليا وعليك
واهي دي البداية
واحكم بنفسك شوف النهاية
راح تبقي ايه
احكم ياصحبي
موضوع: اهات الغربة 
الأحد أكتوبر 31, 2010 4:50 pm
